lunes, 29 de abril de 2013

PARTE HARTZE ARRAKASTATSUA APIRILAK 19-KO GURE LEHENBIZIKO BATZARREAN


Labaki Bizirik! plataformatik Lantz eta Anueko herritarrei joan den apirilak 19 Anueko udaletxean eginiko batzarrean izandako parte hartze eta emandako laguntza eskertu nahi dizuegu.





Udaletxeko aretoa txiki gelditu zen, hainbertze jende etorri bait zen, gure aurrikuspen onenak gaindituz.

Batzarraren helburua martxoak 14-an antzemandako egoeraz informatzea zen, orduan Nafarroako Aldizkari Ofizialaren bidez, eta kasualidadez, harrobiaren proiektua ezagutu genuen. Aldizkari honen 51garren zenbaki hontan Anueko udal mugapean, Aritzun, C ataleko baliabideen (ofitak) “Labaki” ikerketa proiekturako ingurumen ukipenetarako baimena ematen zela iragartzen zen. Orduaz geroztik martxan jarri ginen proiektua eta ahalik eta informazio gehiena lortzeko.

Batzarrean proiektuaren nondik norakoak eta hau geldiarazteko plataformak ematen ari den hurratsak azaldu ziren.

Hona hemen puntu garrantzitsuenak:

  • Lantz eta Anueko herritar zein udal ordezkari guztien harrobiaren kontrako jarrera irmoa, ez dugu harrobirik nahi, ez Labakin, ez bertze inon ere.

  • Lantz eta Anueko herritar zein udal ordezkari guztien Labaki Bizirik! plataformari adierazitako babesa, baita honek martxan jarritako ekimenei ere.

  • Ematen ari diren hurratsen berri. Labaki Bizirik!plataformak,  Sustrai erakuntzaren bidez, ingurumen gaietan espezialista den abokatuaren kontratatzea erabaki du.

  • Administrazioarekiko auzi-errekurtsoa jartzeko epea maiatzak 14-an amaitzen da.

  • Labaki Bizirik!plataformak zabalik ditu ateak. Harrobiaren kontra gurekin batera lan egiteko prest zaudeten guzieri dei egiten dizuegu. Denon hartean basakeri hau geldiaraziko dugu!

Aurki antolatuko ditugun ekimenen berri emanen dizuegu. Zuen laguntza ezinbertzekoa da gure lurraldean inolako harrobirik ezarri ez dezaten.

LABAKI BIZIRIK!

No hay comentarios:

Publicar un comentario